Мўғулистонда 23 февраль, сешанба куни аҳолини COVID-19’га қарши эмлаш бошланди. Мамлакат бош вазири Лувсаннамсрайн Оюун-Эрдэнэ биринчи бўлиб вакцинани қабул қилди, деб ёзади «Korrespondent.net».
«Бугундан Мўғулистон аҳолисини оммавий эмлаш бошланди... Бош вазир Оюун-Эрдэнэ мамлакатда биринчи бўлиб иккинчи марказий давлат клиникасида AstraZeneca вакцинаси билан эмланди», — дейилади хабарда.
Фуқароларни 16—18 ёшдан бошлаб эмлаш режалаштирилмоқда. Вакцинани биринчи бўлиб «COVID-19 юқтириш хавфи юқори бўлган» шароитда ишлайдиган ходимлар олади. Июлга қадар икки миллионга яқин кишини эмлаш режалаштирилган.
Мўғулистонда тўртта компания вакцинасидан фойдаланилади — Pfizer, Sinopharm, AstraZeneca ва «Спутник V».
2021 йилнинг 9 февраль куни Мўғулистон Соғлиқни сақлаш вазирлиги тезлаштирилган процедура бўйича Россиянинг «Спутник V» коронавирусга қарши вакцинасини рўйхатдан ўтказган эди. Рўйхатдан ўтиш мамлакат ҳудудида қўшимча клиник синовларсиз фавқулодда фойдаланиш учун тасдиқланиши доирасида амалга оширилди.
Аввалроқ Венесуэлада аҳолини «Спутник V» вакцинаси билан эмлаш бошланган эди. 2020 йил ноябрь ойида Венесуэлада «Спутник V» синовдан ўтказилган. Синовда 2 минг киши, шу жумладан, президентнинг ўғли Мадуро Герра ва унинг опаси Мария Тереза иштирок этган.
Изоҳ (0)