Фарғона вилояти Ёзёвон туманида MAN Trailer юк машинаси Nexia-2 иштирокида содир бўлган йўл-транспорт ҳодисаси оқибатида икки киши ҳалок бўлди. Бу ҳақда вилояти ИИБ ахборот хизмати хабар берди.
Маълум қилинишича, 21 февраль куни соат 06:40 ларда фуқаро С.А. «Янгибўстон» маҳалласи ҳудудида MAN Trailer юк машинасини бошқараётганда ухлаб қолиши туфайли бошқарувни йўқотган.
Машинани чап томонга буриб юбориши туфайли ўзи билан бир йўналишда орқа томонида ҳаракатланиб келаётган У.И. бошқарувидаги Nexia-2’нинг йўлига кўндаланг туриб, тўқнашиб кетган.
Оқибатда Nexia-2’даги йўловчилар Қ.М. ва вояга етмаган К.А. тан жароҳати олиб, ҳодиса жойида вафот этган. Яна бир йўловчи эса тан жароҳатлари билан шифохонага ётқизилган.
Ушбу ҳолат бўйича жиноят иши қўзғатилиб, тергов ҳаракатлари давом этмоқда.
Аввалроқ Қашқадарёда ўйинчоқдан қочиб ағдарилган Damas’ни турғазишга кўмаклашган икки кишини «КамАЗ» босиб кетгани тўғрисида хабар берилганди.
Изоҳ (0)