Ulefone компанияси iPhone 12, Xiaomi Mi 10 Ultra ва Ulefone Armor 11 5G камераларининг тунги суратга олишдаги имконияти синаб кўрилган видеороликни эълон қилди, деб хабар беради IXBT.
Ulefone Armor 11 5G бешта тасвир датчигига эга бўлган, жумладан, улар орасида 48 мегапикселли Sony IMX582 ҳам бор. Шунингдек, у тунда суратга олиш учун мўлжалланган 20 мегапикселли ҳамда 16 мегапикселли фронтал камера билан жиҳозланган.
iPhone 12 ва Xiaomi Mi 10 Ultra’ларнинг тунги режими ишга туширилган тақдирда ҳам етарли даражада аниқ тасвирлар олинмайди, шу билан бирга суратга олиш жараёни ҳам узоқ. Ulefone Armor 11 5G’нинг тунги суратга олиш камераси эса тезкор ва олинган тасвир ҳам тиниқ. Armor 11 5G тунги суратга олиш режими орқали суратни оқ-қора режимда, тиниқликни йўқолмаган ҳолда олади. Шунингдек, у тунги сурат ва видеога олиш режимида 2 карра зумни қўллаб-қувватлайди.
Ulefone Armor 11 5G бир кристалли MediaTek Dimensity 800 5G тизимида ишлайди. Унга 6,1 дюймли экран, 8 ГБ тезкор ва 256 ГБ ички хотира ўрнатилган. Смартфон бешинчи авлод алоқа тармоғини қўллаб-қувватлайди. Сиғими 5200 мА/соатга тенг аккумулятори 10 ваттли тезкор қувватланиш функциясига эга, смартфон Android 10 операцион тизимида бошқарилади.
Шунингдек, унда NFC ва Google Play ишлайди, дактилоскопик датчик ва юзни таниш сканери бор. Смартфон IP68/IP69К даражаси билан ҳимояланган ва Американинг MIL-STD0810G ҳарбий стандарти талабларига жавоб беради.
Аввалроқ янги Huawei Mate 40 Pro+ смартфонининг камераси Galaxy Note20 Ultra ва iPhone 11 Pro Max’ники билан ўзаро таққослангани тўғрисида хабар берилганди.
Изоҳ (0)