22-oktabr kuni o‘tkazilgan Huawei Mate 40 smartfoni taqdimotida yangi qurilmaning kamerasi Samsung Galaxy Note20 Ultra va iPhone 11 Pro Max’niki bilan bir xil sharoitda taqqoslandi, deb xabar beradi IXBT.
Suratlardan ko‘rish mumkinki, Mate 40 Pro+ raqobatchilarini tasvirlardagi detallarning tiniqligi va yetarlicha yoritilmagan sharoitda tasvirga olishdagi sifat bilan ortda qoldirgan.
Ushbu suratlar Huawei tomonidan olinganini unutmaslik kerak, shu sababli kompaniya o‘z mahsulotini targ‘ib qilishdan, albatta, manfaatdor. Shunga qaramay, kompaniya Mate 40 Pro+ foydasiga raqobatchilari sifatini pasaytirib ko‘rsatganiga ishonish qiyin.
Mate 40 Pro+ smartfoni kadr chastotasi 60 k/s bo‘lgan va HDR funksiyasiga ega 4K sifatli videolarni tasvirga olish qodir. Shu sababli kartina ancha jozibador.
Mavzuga doir: Sanksiyaga uchragan flagman. Huawei Mate 40 Pro AQSh texnologiyalarisiz qanday ko‘rinishga ega bo‘ladi?
Eslatib o‘tamiz, Mate 40 Pro yangi Kirin 9000 protsessorida ishlaydi — bu 5 nanometrli texnologik jarayon bazasida yaratilgan bozordagi ikkinchi protsessor. Birinchisi, iPhone 12’larga o‘rnatilgan A14 chipi hisoblanadi. Shuningdek, Mate 40 Pro 8 gigabayt tezkor va 256 gigabayt ichki xotiraga ega bo‘ladi. Akkumulyator sig‘imi esa 4400 mA/soat bo‘lib, 65 vattli tezkor quvvatlanish funksiyasini qo‘llab-quvvatlaydi. Qurilma birdaniga uchta kameraga ega bo‘ladi — f/1,9 diafragmali 50 megapikselli asosiy, 20 megapikselli keng burchakli va 12 megapikselli telefoto. Shuningdek, 13 megapikselli oddiy frontal kamera hamda yuzni skaner qilishga mo‘ljallangan 3D-kamera ham o‘rnatiladi.Mavzuga doir: iPhone 12 Pro Max va Samsung Galaxy Note20 Ultra qurilmalari “jonli” suratda o‘zaro taqqoslandi
