Футбол бўйича Испания Ла Лигасининг 24-тур доирасида «Реал Мадрид» 20 февраль, шанба куни «Вальядолид» меҳмони бўлди.
Мадрид клуби ушбу баҳсга бир неча асосий таркиб футболчиларисиз (Серхио Рамос, Дани Карвахаль, Феде Вальверде, Эден Азар, Карим Бензема) ташриф буюрди. Бу ўйин давомида ҳам сезилиб турди. Беллашувдаги ягона голга 65-дақиқада Каземиро муаллифлик қилди. Тони Крооснинг узатмасидан сўнг Каземиро боши билан мезбонлар дарвозасини ишғол қилди. Шу тариқа Зинеддин Зидан шогирдлари сафарда уч очкони қўлга киритди.
Ушбу ғалабадан сўнг «Реал» очколар сонини 52 тага етказиб олди ва мусобақа жадвалида 1-ўринда бораётган ҳамшаҳари «Атлетико» билан орадаги фарқни 3 очкога қисқартириб олди. Ҳозирга қадар 21 очко тўплаган «Вальядолид» эса 19-ўринни эгаллаб турибди.
Ла Лига
24-тур баҳси
20 февраль, шанба
«Вальядолид»—«Реал Мадрид» 0:1
Гол: 0:1 – 65 Каземиро.
»Вальядолид»: Масип, Янко (Жота, 61), Бруно Гонсалес, Перес, Хоакин Фернандес, Орельяна, Алкарас (Сан-Эметерио, 84), Меса (Кодро, 73), Кике Перес (Плано, 84), Начо Мартинес, Гвардиола (Вейсман, 73).
«Реал Мадрид»: Куртуа, Начо, Менди, Варан, Васкес, Каземиро, Модрич, Асенсио (Аррибас, 66), Кроос, Винисиус Жуниор (Иско, 66), Мариано Диас (Дуро, 66).
Огоҳлантиришлар: Алкарас (60), Васкес (69), Начо Мартинес (71), Орельяна (76), Аррибас (78), Плано (85).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)