Futbol bo‘yicha Ispaniya La Ligasining 24-tur doirasida “Real Madrid” 20-fevral, shanba kuni “Valyadolid” mehmoni bo‘ldi.
Madrid klubi ushbu bahsga bir necha asosiy tarkib futbolchilarisiz (Serxio Ramos, Dani Karvaxal, Fede Valverde, Eden Azar, Karim Benzema) tashrif buyurdi. Bu o‘yin davomida ham sezilib turdi. Bellashuvdagi yagona golga 65-daqiqada Kazemiro mualliflik qildi. Toni Kroosning uzatmasidan so‘ng Kazemiro boshi bilan mezbonlar darvozasini ishg‘ol qildi. Shu tariqa Zineddin Zidan shogirdlari safarda uch ochkoni qo‘lga kiritdi.
Ushbu g‘alabadan so‘ng “Real” ochkolar sonini 52 taga yetkazib oldi va musobaqa jadvalida 1-o‘rinda borayotgan hamshahari “Atletiko” bilan oradagi farqni 3 ochkoga qisqartirib oldi. Hozirga qadar 21 ochko to‘plagan “Valyadolid” esa 19-o‘rinni egallab turibdi.
La Liga
24-tur bahsi
20-fevral, shanba
“Valyadolid”—“Real Madrid” 0:1
Gol: 0:1 – 65 Kazemiro.
”Valyadolid”: Masip, Yanko (Jota, 61), Bruno Gonsales, Peres, Xoakin Fernandes, Orelyana, Alkaras (San-Emeterio, 84), Mesa (Kodro, 73), Kike Peres (Plano, 84), Nacho Martines, Gvardiola (Veysman, 73).
“Real Madrid”: Kurtua, Nacho, Mendi, Varan, Vaskes, Kazemiro, Modrich, Asensio (Arribas, 66), Kroos, Vinisius Junior (Isko, 66), Mariano Dias (Duro, 66).
Ogohlantirishlar: Alkaras (60), Vaskes (69), Nacho Martines (71), Orelyana (76), Arribas (78), Plano (85).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)