Ўзбекистонлик UFC жангчиси Маҳмуд Муродов ўзи учун MMA тарихидаги энг яхши жангчи кимлигини маълум қилди.
Мен учун фақат Фёдор Емеляненко бор. У мен учун афсона. Ҳеч қачон қайсидир машҳур спортчи билан жанг қилишни орзу қилмайман ёки қайсидир жангчига ўхшашни истамайман. Унақаси йўқ.Муродов шу вақтга қадар UFC’да учта жанг ўтказиб, уларнинг барчасида ғолиб чиққан. Сўнгги бор у UFC 257 мусобақасининг асосий кардида америкалик Эндрю Санчесга (12-6) қарши жанг қилган ва учинчи раунддаги техник нокаут эвазига ғалаба қозонганди. Шунингдек, Маҳмуд UFC’даги дебют жангида италиялик Алессио ди Кирикони (12-4) очколар ҳисобига кўра, иккинчи жангида Тревор Смитни (15-10) учинчи раундда нокаут эвазига мағлубиятга учратган.Менга ким билан жанг қилишнинг фарқи йўқ. Рақибларимнинг рекордига эътибор қилмайман, менга бунинг қизиғи йўқ. Негалигини билмадим, бироқ мен шундайман. Менежерим баъзида кулиб «Сен шунчаки тентаксан» дейди. У шартномани юборади, мен эса дарҳол имзолайман. У рақибни кўриб чиқишимни сўрайди, мен эса шундай дейман: «нима фарқи бор, мен шунчаки октагонга чиқишни хоҳлайман».
Маҳмуд Муродов, UFC жангчиси
Изоҳ (0)