Ўзбекистондаги 24 та акциядорлик жамиятига кузатув кенгашида мустақил аъзолари йўқлиги сабаб огоҳлантириш берилди

Ўзбекистон капитал бозорини ривожлантириш агентлиги кузатув кенгашларида мустақил аъзолари йўқлиги сабаб 24 та акциядорлик жамиятига огоҳлантириш берди. Қоидабузарликлар икки ой ичида бартараф этилиши керак, деб хабар беради агентлик матбуот хизмати.

«Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги қонунга кўра, акциялари фонд биржаси котировкалари рўйхатига киритилган компаниянинг кузатув кенгашида камида битта мустақил аъзо бўлиши керак.

Огоҳлантириш берилган АЖлар рўйхати:

• «Ўзбеккўмир»;
• «Универсал Суғурта»;
• «Алоқабанк»;
• «Олмалиқ кон-металлургия комбинати»;
• «Андижон биокимё заводи»;
• «Бухоро механик таъмирлаш заводи»;
• «Гранит»;
• «Қашқадарё пармалаш ишлари»;
• «Нефть ва газ қудуқларини синаш»;
• «Қашқадарё нефть-газ қурилиш ва таъмирлаш»;
• «Урганч ёғ-мой»;
• «Бешариқ пахта тозалаш заводи»;
• «Қўқон пахта тозалаш заводи»;
• «Муборак пахта тозалаш»;
• «Хоразм сув қурилиш»;
• «Гулистон экстракт ёғ»;
• «Шоруд»;
• «Хўжаобод технологик транспорт бошқармаси»;
• «Ўзпартампонаж»;
• «Минора қурилиш экспедицияси»;
• «Электрқишлоққурилиш»;
• «Савдоэнерго»;
• «Ўзпаравтотранс»;
• «Қашқадарё технологик транспорт».