O‘zbekistondagi 24 ta aksiyadorlik jamiyatiga kuzatuv kengashida mustaqil a’zolari yo‘qligi sabab ogohlantirish berildi

O‘zbekiston kapital bozorini rivojlantirish agentligi kuzatuv kengashlarida mustaqil a’zolari yo‘qligi sabab 24 ta aksiyadorlik jamiyatiga ogohlantirish berdi. Qoidabuzarliklar ikki oy ichida bartaraf etilishi kerak, deb xabar beradi agentlik matbuot xizmati.

“Aksiyadorlik jamiyatlari va aksiyadorlarning huquqlarini himoya qilish to‘g‘risida”gi qonunga ko‘ra, aksiyalari fond birjasi kotirovkalari ro‘yxatiga kiritilgan kompaniyaning kuzatuv kengashida kamida bitta mustaqil a’zo bo‘lishi kerak.

Ogohlantirish berilgan AJlar ro‘yxati:

• “O‘zbekko‘mir”;
• “Universal Sug‘urta”;
• “Aloqabank”;
• “Olmaliq kon-metallurgiya kombinati”;
• “Andijon biokimyo zavodi”;
• “Buxoro mexanik ta’mirlash zavodi”;
• “Granit”;
• “Qashqadaryo parmalash ishlari”;
• “Neft va gaz quduqlarini sinash”;
• “Qashqadaryo neft-gaz qurilish va ta’mirlash”;
• “Urganch yog‘-moy”;
• “Beshariq paxta tozalash zavodi”;
• “Qo‘qon paxta tozalash zavodi”;
• “Muborak paxta tozalash”;
• “Xorazm suv qurilish”;
• “Guliston ekstrakt yog‘”;
• “Shorud”;
• “Xo‘jaobod texnologik transport boshqarmasi”;
• “O‘zpartamponaj”;
• “Minora qurilish ekspeditsiyasi”;
• “Elektrqishloqqurilish”;
• “Savdoenergo”;
• “O‘zparavtotrans”;
• “Qashqadaryo texnologik transport”.