Apple pandemiya sharoitida ham smartfonlarni Face ID yordamida blokdan chiqarish borasidagi muammoni hal etdi, deb yozadi IXBT.
iOS 14.5 mobil platformaning birinchi beta-versiyasida ko‘plab iPhone foydalanuvchilarining mushkulini oson qiladigan funksiya paydo bo‘lgan. Apple kompaniyasi nihoyat niqob taqqan foydalanuvchi Face ID yordamida smartfonni blokdan chiqara olmayotganiga bog‘liq muammoga yechim topgan.
Apple bu boradagi ilk qadamlarni o‘tgan yildan amalga oshirgan edi — iOS 13.5 da niqob taqqan foydalanuvchi Face ID bor qurilmalarda kod-parolni kiritish maydoni soddalashtirilgan.
iOS 14.5 da esa parolni qo‘lga kiritishga umuman hojat qolmagan. Yangilik iPhone’ga “aqlli” Apple Watch soatlarining ulanishi orqali ishlaydi. Sozlamalardagi “Face ID va kod-parol” bo‘limida “Apple Watch yordamida blokdan chiqarish” bandi paydo bo‘lgan.
Smartfon Apple Watch yordamida blokdan chiqarilishi uchun, soatlar foydalanuvchining bilagida bo‘lishi kerak (“Bilakni tanish” funksiyasi faollashtirilishi lozim).
#iOS14.5 beta 1, iPhone unlock process with #AppleWatch wearing a facemask
— Luca Ansevini (@Anse1987) February 1, 2021
Easy and super smooth! pic.twitter.com/ADkE0dVS0I
Buning o‘ziga yarasha kamchiliklar ham bor — foydalanuvchi qo‘lidagi soatlar blokdan chiqarilgan bo‘lsa, uning yonida bo‘lgan niqobdagi istalgan odam iPhone’ni blokdan chiqarishi mumkin. Biroq soatlar iPhone blokdan chiqarilganida vibratsiya orqali ogohlantirish beradi va “iPhone’ni bloklash” katta tugmasini bosishni taklif etadi.