Таҳлилчи Нил Сибарт томонидан эълон қилинган статистик маълумотларга кўра, 2020 йилнинг декабрида «ақлли» соатлардан фойдаланувчилар сони 100 миллион кишига етган, деб хабар беради «Hi-Tech.Mail.ru». Хусусан, 2020 йил давомида 2015, 2016 ва 2017 йилларни қўшиб ҳисоблагандан ҳам кўпроқ Apple Watch соатлари харид қилинган — соатларнинг 30 миллион янги фойдаланувчиси пайдо бўлган.
Шундай қилиб, Apple Watch ҳозирда Apple маҳсулотлари орасида iPhone, iPad ва Mac’дан кейинги ўринда кетаётган энг машҳур гаджет ҳисобланади. Ҳозирги статистикага кўра, Apple Watch савдолари 2022 йилга бориб Mac’лар сонидан ошиб кетади.
Оммабоплик борасида iPad’ни ортда қолдириш учун Apple Watch’га бир оз кўпроқ вақт керак бўлади. Нил Сибарт айнан қанча вақт кетишига ойдинлик киритмаган.
Маҳсулот ҳали ўсиши керак: таҳлилчининг баҳолашича, iPhone фойдаланувчиларининг 10 фоизигина Apple Watch’га эга. Уларнинг аксарияти АҚШ аҳолиси.
Изоҳ (0)