Келиб чиқиши Чеченистондан бўлган швециялик UFC жангчиси Ҳамзат Чимаев октагонга июнь ойида қайтиши мумкин.
Бу ҳақда Чимаевнинг менежери Али Абдулазизга таяниб, ESPN журналисти Бретт Окамото хабар қилди.
«Менежер Али Абдулазизнинг сўзларига кўра, Ҳамзат Чимаев Лас-Вегасга учиб кетган. АҚШда унга тиббий ёрдам кўрсатилади. Абдулазиз Ҳамзатнинг июнь ойи жанг ўтказа олишига умид билдиришини айтди. Бироқ айни дамда энг асосийси — бу соғлиқ», — дея ёзади Окамото ўз Twitter’ида.
Чимаев Тошкент вақти билан 14 март тонгида бўлиб ўтадиган UFC мусобақасида Леон Эдвардсга қарши жанг қилиши белгиланганди. Бироқ Чимаевда коронавирус асоратлари оғир кечаётгани боис жанг бекор қилинган.
Эслатиб ўтамиз, бунга қадар мазкур яккакурашчилар ўртасидаги жанг икки бор қолдирилганди. Аввалига 19 декабрга мўлжалланган жанг Эдвардсда вирус аниқлангач, қолдирилди. 20 январь кунги жангга яқин қолганда Чимаев инфекцияни юқтириб олди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)