«Пахтакор» клуби ҳужумчиси Игор Сергеев фаолиятини Қозоғистон чемпионатида давом эттиради.
Ўзбекистон терма жамоаси аъзоси «Оқтобе» футбол клуби билан шартнома имзолади. Бу ҳақда клуб матбуот хизмати маълум қилди. «Оқтобе» шартнома тафсилотларини очиқламаган.
Сергеев — 1993 йилнинг 30 апрелида Тошкентда туғилган. «Пахтакор» тарбияланувчиси бўлган Игор Ўзбекистондаги фаолияти мобайнида фақат «шерлар» сафида (2011—2017 ва 2018—2020) тўп тепган. Шунингдек, 27 ёшли форвард 2016 йилда Хитойнинг «Бейжин Гоан», 2017—2018 йилларда эса БААнинг «Аз-Зафра» жамоаларида ҳаракат қилган. 2013 йилдан буён Ўзбекистон миллий терма жамоаси либосини ҳимоя қилади.
«Оқтобе» 2020 йилги мавсум якунлари бўйича биринчи лига ғолиблигини қўлга киритиб, Қозоғистон олий дивизионга чиқди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)