ПСЖ ҳужумчиси Килиан Мбаппенинг парижликлар сафидаги келажаги сўроқ остида турибди.
Франциялик футболчи 2022 йилда ўз якунига етадиган шартномасини узайтиришни истамаяпти. Шу билан бирга ПСЖ Мбаппега даъвогар клублардан футболчи учун 200 миллион евро сўрайди, дея хабар қилмоқда Le Parisien.
ПСЖ коронавирус пандемияси сабаб юзага келган инқироз туфайли ҳеч қайси клуб бу миқдордаги пулни тўлай олмаслигига ишонмоқда. ПСЖ Мбаппени сақлаб қолишни жуда хоҳламоқда. Франциялик футболчи ҳали келажаги борасида қарор қабул қилмади.
Мбаппега «Реал»дан қизиқиш борлиги бир неча бор хабар қилинганди. Аввалроқ 22 ёшли футболчи фақат бир шартга кўра Париж клуби билан амалдаги келишувни узайтиришга тайёрлиги айтилганди. Унга кўра маълум миқдордаги пул тўланган тақдирда Мбаппе «Реал» ёки бошқа топ-клубга ўтиш имкониятига эга бўлади.
Мбаппе Чемпионлар Лигаси 1/8 финалининг дастлабки ўйинида «Барселона» дарвозасига учта гол урди. У Лига 1 жорий мавсумида 21 ўйин ўтказиб, 16 гол ва 6 та голли узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)