Sky Sport журналисти, таниқли инсайдер Жанлука ди Марцио «Женоа» ҳужумчиси Элдор Шомуродовнинг айни пайтдаги трансфер нархи қанча эканлиги ҳақида берилган саволга жавоб берди.
Унинг ҳозирги трансфер нархи 15 миллион евро. Агар «Женоа» ҳозирда футболчини сотмоқчи бўлса, 15 миллион евро ишлаб олиши мумкин. Олти ой ичида унинг трансфер нархи икки баробарга ошди.Кшиштоф Пионтекда (2018—2019 йилларда «Женоа»да ўйнаган) ҳам шундай ҳолат юз берганди. У 4,5 миллион еврога сотиб олиниб, олти ойдан сўнг «Милан»га 35 миллионга трансфер қилинганди.
Италияда шунақа. Агар биз яхши футболчини кўрсак, у учун 20-30 миллион беришга тайёрмиз.
Унга «Ювентус» қизиқиш билдирдими? Ҳа, шундай бўлди. Ёзга келиб Шомуродов «Боруссия Дортмунд» ёки «Севилья» каби ёш ва иқтидорли футболчиларни яхши кўрадиган клублар учун қизиқарли ўйинчиларидан бири бўлиши мумкин.
Жанлука ди Марцио, журналист
Tuttosport нашри Шомуродовга «Ювентус»дан қизиқиш бўлаётгани ҳақида хабар қилганди.
2020 йилнинг октябрь ойида «Ростов»дан «Женоа»га ўтган Элдор Шомуродов генуяликлар таркибида 16 та ўйин ўтказиб, 2 та гол ва 2 та голли узатмага муаллифлик қилди. Хабарларга кўра, генуяликлар Шомуродов трансфери учун 7,5 миллион евро сарфлаган.
«Женоа» 22-турдан кейин 25 очко билан 11-ўринда бормоқда, «грифонлар» кейинги тур ўйинини 20 февраль куни «Верона»га қарши ўтказади.
Мавзуга доир:
Изоҳ (0)