Образ ва макияжни ўзгартиришнинг энг осон ва самара берадиган усули янги тушдан фойдаланиб кўриш ҳисобланади.
Maybelline New York, The Classic Volum’ Express Mascara
Дунёдаги энг биринчи туш 1913 йилда Maybelline New York томонидан тақдим қилинган. Шундан буён ушбу бренд томонидан бир неча турдаги туш моделлари ишлаб чиқарилган. Масалан, The Classic Volum’ Express Mascara линза тақадиган қизлар учун мўлжалланган бўлиб, кўзга кирмаслиги билан ўзига хос. Қалин қилиб кўрсатмагани билан мазкур туш киприкларни узун кўринишига сабаб бўлади.
Essence, I Love Extreme Volume Mascara Waterproof
Ҳар бир аёл косметик воситалари орасида икки хил: оддий ва сувга чидамли туш бўлиши керак. Бу борада эса I Love Extreme Volume Mascara Waterproof айни муддао. Суюқ ҳолдаги мазкур туш узоқ вақтга етиши аниқ. Камчилиги эса биринчи мартада мицеляр сув билан ҳам кетиши мушкул бўлади.
Catrice, Glam&Doll Volume Mascara
Киприкларингиз қўғирчоқникига ўхшаб туришини хоҳлайдиган бўлсангиз, унда бир неча қатлам қилиб сурца бўладиган вариантга эътибор қаратинг. Иложи борича чўткаси силикондан бўлган, тартиб ва ингичка қилиб суриладиган тушга эътибор қаратган яхши. Catrice томонидан тақдим қилинган Glam&Doll Volume Mascara туши эса бу борадаги барча талабга жавоб беради.
Eva Mosaic, Fantasy Mascara
Киприклари узун аммо табиий кўринишини истовчилар учун Fantasy Mascara тушларига эътибор қаратиш тавсия қилинади.
Wet n Wild, Mega Protein Mascara
Mega Protein Mascara таркибида киприкларни қайта тиклайдиган ўсимлик оқсиллари мавжуд бўлади. Киприклар ингичка ва тез тўкиладиган бўлса уларни авваламбор ички томондан озиқлантириш керак албатта, Mega Protein Mascara эса ташқи томондан парвариш қилиш учун яхши самара беради.
Max Factor, False Lash Effect Epic Mascara
Кўз бурчагидаги киприкларни яхшироқ қайириш ва бўяш учун махсус чўткага эга бўлган мазкур тушни суртгандан кейин кўзлар ҳар доимгидан ҳам шаҳло кўринади. Чўткасида туш қолдиғи кўп тўпланишини айтмаганда ушбу туш модели сизга тавсия қилинадиган энг яхши вариантлардан бири.
Rimmel, Wonderfull Mascara With Argan Oil
Органик ёғ киприкларни мустаҳкамлайди, озиқлантиради ва ўсишини жадаллаштиради. Wonderfull Mascara таркибида ушбу ёғ мужассам бўлгани сабаб эса ундан фойдалангандан кейин ижобий ўзгариш сезила бошлайди.
Изоҳ (0)