Баҳорда калта тирноқларга пушти, яшил, мовий ва оч жигарранг лак суртиш урфда бўлади. Қандай маникюр қилдиришни билмаётганлар қуйидаги суратлардан илҳомланиши мумкин.
Бахмалдек товланадиган маникюр
Янги мавсумда тирноқда бахмалга ўхшаб товланиб турадиган лак ва маникюр долзарб бўлади. Бунинг учун бир рангдаги лакни бир қатлам қилиб суртиб, устидан хоҳишга кўра дизайн қилдириш мумкин.
Гул билан безатилган маникюр
Баҳорда болаларча, поп-арт услубидаги ва турли хил кўринишдаги гуллар билан безалган тирноқлар трендда. Гуллар бир дона ёки бир қанча бўлиши, ранги эса тирноқдаги лак рангига зид бўлиши мумкин.
Ранг-баранг
Шунингдек, ранг-баранг, камалакка ўхшаш ранглар умумлашган маникюр қилиш тавсия қилинади. Қанча ёрқин ва калта бўлса, шунча яхши.
Ой ва юлдузлар билан безатилган маникюр
Тирноқларингизга оч ёки тўқ рангли бўёқ суртиб, булут, юлдуз, ой ва қуёшлар, қолаверса, сайёралар шаклидаги безаклар билан безанг.
Тилларанг ва кумушранг френч
Классик френчдаги оқ рангни тилла ва кумуш рангга алмаштиринг, лакни тирноқ четига текис қилиб суртишга ҳожат йўқ, фантазиянгиздан келиб чиқиб ўзига хос танлов қилсангиз ҳам бўлади.
Смайлик ёпиштирилган маникюр
Одатийликдан қочиб, тирноқларингизни турли рангли смайликлар билан безанг. Сариқ йил ранги эканини ёддан чиқарманг.
Геометрик чизиқлар
Баҳорги трендлар орасида юқоридаги ранг ва безаклардан ташқари, геометрик чизиқлар ҳам бор. Тирноқларга турли шакллар суратини туширишингиз, ёпиштиришингиз ва уларнинг ичини ранг-баранг қилиб бўяшингиз мумкин.
Изоҳ (0)