Тошкентда 6 кун давомида 3 марта ЙПХ ходимига пора таклиф қилиш ҳолати аниқланди, дея хабар қилмоқда Ички ишлар вазирлиги ЙҲХББ матбуот хизмати.
Қайд этилишича, 2021 йилнинг 4 февраль куни Тошкент шаҳар ИИББ ЙҲХБ ЙПХ ходими Ш.Ҳикматов Чилонзор тумани Чўпонота кўчасида олиб борган хизмати давомида Lacetti русумли автомобилни тўхтатиб, тегишли меъёрий ҳужжатларини текшириш вақтида ҳайдовчи, 1990 йилда туғилган С.М.дан спиртли ичимлик ҳиди келганлиги боис мастлик ҳолатида гумонланган ва ҳайдовчини тиббий кўрикдан ўтишга таклиф қилган.
Ҳайдовчи тиббий кўрикдан ўтишдан бош тортганлиги боис унга нисбатан Маъмурий жавобгарлик тўғрисидаги кодекснинг 136-моддаси (транспорт воситалари ҳайдовчиларининг ва йўл ҳаракати бошқа иштирокчиларининг мастлиги ёки маст эмаслигини аниқлаш учун текширувдан ўтишдан бўйин товлаши) тартибида холислар иштирокида баённома расмийлаштирилган.
Шундан сўнг фуқаро расмийлаштирилган маъмурий баённомани бекор қилишни сўраб, ЙПХ ходимига 200 АҚШ доллари миқдорида пора таклиф қилган. ЙПХ ходими мазкур ҳолат юзасидан шаҳар ИИББ бошлиғи номига билдирги орқали мурожаат қилиб, фуқаро С.М.га нисбатан белгиланган тартибда чора кўрилишини сўраган.
Ходимнинг билдиргиси асосида ҳуқуқни муҳофаза қилувчи орган ходимлари томонидан ўтказилган тезкор тадбир давомида фуқаро С.М. 200 АҚШ доллари миқдоридаги пулларни пора тариқасида ЙПХ ходимига берган вақтида далилий ашё билан қўлга олинган.
Ушбу ҳолат юзасидан Тошкент шаҳар Чилонзор тумани прокуратураси томонидан дастлабки тергов ҳаракатлари олиб борилмоқда.
Мавзуга доир: Божхоначига 9400 доллар таклиф қилган шахс ушланди
Текшириш давомида мазкур автомобилнинг ён олд ва орқа ойналари туси рухсатсиз ўзгартирилиб, қора плёнка ёпиштирилганлиги аниқланган. Ҳайдовчига нисбатан ўрнатилган тартибда маъмурий баённома тузилиб, автомобиль вақтинча сақлаш учун жарима майдончасига жойлаштирилган.
Шундан сўнг автомобиль ҳайдовчиси Ф.Ш.нинг Сухроб исмли таниши келиб, мазкур ҳолат юзасидан тўлдирилган маъмурий баённомани бекор қилиш ва транспорт воситасини жарима майдонидан олиб чиқиш эвазига 200 АҚШ доллари миқдоридаги пулларни пора тариқасида таклиф қилган.
ЙПХ ходими мазкур ҳолат юзасидан шаҳар ИИББ бошлиғи номига билдирги орқали мурожаат қилиб, белгиланган тартибда чора кўрилишини сўраган.
Ходимнинг билдиргиси асосида ҳуқуқни муҳофаза қилувчи орган ходимлари томонидан ўтказилган тезкор тадбир давомида Сухроб исмли фуқаро ЙПХ ходимига 100 АҚШ доллари миқдоридаги пулни пора сифатида берган вақтида далилий ашё билан ушланган.
Мазкур ҳолат юзасидан Иқтисодий жиноятларга қарши курашиш департаменти Бектемир тумани бўлими томонидан терговга қадар текширув ҳаракатлари олиб борилмоқда.
Мавзуга доир: Андижон вилоят ИИБнинг катта терговчиси ва вақтинча сақлаш ҳибсхонаси бошлиғи 12 минг доллар пора билан ушланди
Тошкент шаҳар ИИББ ЙҲХБ ЙПХ катта инспектори У.Ишанхўжаев 2021 йилнинг 8 февраль куни Миробод туманидаги Тарас Шевченко кўчасида соат 21:00 ларда Mercedes-Benz русумли транспорт воситасини тўхтатиб текширганда, автомобилнинг ён олд ва орқа ойналари туси ўзгартирилиб, қора плёнка ёпиштирилганлиги ва махсус рухсатномасининг қалбаки эканлиги аниқланган.
Ҳайдовчи С.Ғ. автомобилни жарима майдончасига жойлаштирмаслик эвазига ЙПХ ходимига 100 АҚШ доллари миқдоридаги пулни пора тариқасида таклиф қилган.
ЙПХ ходимининг белгиланган тартибдаги билдиргиси асосида соҳавий хизмат вакиллари ва холислар иштирокида тезкор тадбир ўтказилиб, фуқаро С.Ғ. 100 АҚШ доллари миқдоридаги пулни ЙПХ ходимига берган вақтида далилий ашё билан ушланган.
Мазкур ҳолат юзасидан Иқтисодий жиноятларга қарши курашиш департаменти Миробод тумани бўлими томонидан терговга қадар текширув ҳаракатлари олиб борилмоқда.
Бундан аввал Тошкент вилоятида машинасини жарима майдонидан чиқариб беришни сўраб, ЙПХ ходимига 1,5 миллион сўм пора таклиф қилган ҳайдовчи ушлангани ҳамда Гулистонда жарима майдончасидан машинасини чиқариб беришини сўраб, ЙҲХБ ходимига пора таклиф қилган ҳайдовчи қўлга олингани ҳақида хабар берилганди.
Изоҳ (0)