Америкадаги Flat Out Autos ательесининг тюнерлари K5 Blazer йўлтанламаслари услубида яратилган тўртта бир хил Chevrolet Tahoe’ни қайта ишлаш бўйича буюртма олди. Ҳар бири 69 минг доллар турадиган автомобиллар биргина харидор томонидан сотиб олинган, деб хабар беради Motor.
2019 йилда Америкадаги ательенинг мутахассислари SEMA тюнинг-шоуси учун махсус K5 Blazer услубидаги (1969—1994) ноодатий Chevrolet Tahoe’ни яратган эди. Лойиҳа кўргазмага ташриф буюрган инсонларга шу қадар манзур бўлганки, тюнерлар дарҳол шу каби бир нечта йўлтанламасларни яратишга буюртма олган.
Ҳозирга қадар муҳандислар том қисми оқ бўлган тўртта бир хил кўк рангли йўлтанламасни яратган. «Қайта ишланган» моделлар классик доирасимон олд оптикага, хромланган бамперлар, янги капот, шунингдек, K5 Blazer дизайнини такрорловчи углерод толадан ишланган юкхона эшигига эга бўлган. Tahoe’ни Blazer’дан ажратиб турадиган ягона фарқ — тўрт эшикли кузов компоновкаси. Оригинал йўлтанламаслар икки эшикли эди.
Тўртта ретройўлтанламасларнинг барчаси битта харидор томонидан сотиб олинган. Ҳар бир автомобиль учун мижоз 69 минг доллардан тўлаган. Айни вақтда америкалик тюнерлар 1972 йилги K5 Blazer услубидаги сариқ рангли Chevrolet Tahoe’ни яратиш бўйича яна битта буюртма олган.
Аввалроқ японияликлар янги Toyota RAV4 ва эски Chevrolet Tahoe’ни «чатиштиргани» тўғрисида хабар берилганди.
Мавзуга доир:
Изоҳ (0)