Жо Байденнинг гаражи: Американинг янги президенти қандай машиналарни афзал кўради? (фото)

Американинг 46-президенти Жозеф Байденнинг отаси 34 йил давомида Делаверда автосалонларни бошқарган ва кўпинча ўғлига гараждан баъзи моделларни ҳайдаб кўришга рухсат берган. Ўша вақтданоқ Байденда машиналарга қизиқиш пайдо бўлган, деб ёзади CARakoom.

Унинг биринчи автомобили 1951 йилда ишлаб чиқарилган Studebaker эди. Унинг ортидан 1952 йилги ёрқин қизил рангли Plymouth Cranbrook, кейинчалик Mercedes-Benz 190SL бўлиб, бу севгилисини баллга таклиф этадиган талабага эмас, балки Шон Коннери ёки Пирс Броснан каби таниқли шахслар учун кўпроқ мос келар эди.

Бироқ 1967 йилги Chevrolet Corvette ёш Байденнинг кўнглидан жой олган. Ушбу кабриолет 1967 йил авгсут ойида отасидан Жозефга тўй совғаси бўлиб, ҳанузгача у гаражда сақланади.

Байден ўзининг инаугурациясида дунёдаги энг хавфсиз ва технологик жиҳатдан ривожланган машиналардан бири ҳисобланган президентлик лимузинида келди. Лимузин аслида ушбу маросимга мос бўлиб, унинг ичида бир қанча имкониятлар мавжуд.

• фавқулодда қон қуйиш мосламалари;
• ҳайдовчи кабинасида алоқа маркази ва GPS кузатув тизими;
• вице-президент ва Пентагон билан бевосита алоқада бўладиган сунъий йўлдош телефони;
• панжара остида тунги кўриш мосламаси билан яширин камера;
• автоуловнинг багажида ёнғин ўчириш тизми ва кўзни ёшлантирадиган газ, тутун мосламаси ўрнатилган.

Ушбу машинада ҳимоя даражасига кўра, деярли ядро зарбасидан ҳам омон қолиш мумкин.

• ёриқ ва тешикларга чидамли пўлатдан ясалган мустаҳкам дискли ғилдираклар;
• автомобилни ўқ ва гранаталардан ҳимоя қилиш учун шассида пўлат қатламли плиталар мавжуд;
• зирҳли эшиклар қалинлиги саккиз дюйм ва оғирлиги Boeing 757 самолёт эшиги билан бир хил.
• Cadillac тўлиқ ёпилганда, у шунчалар ташқи дунёдан ажратиладики, йўловчилар кимёвий ҳужумга хавфсиз тарзда бардош беради;
• автомобиль деразалари беш қатламли шиша ва поликарбонатдан иборат;
• ёқилғи идиши зирҳланган ва авария бўлган тақдирда ҳам портлашнинг олдини оладиган махсус кўпик билан тўлдирилган.

Жо Байденнинг айтишича, унинг президентлиги даврида автомобилсозлик таниб бўлмас даражада ўзгаради. Буни орадан 4 йил ўтгач, Байденнинг режалари қандай амалга оширилганлиги ва бу бутун АҚШда автомобилсозлик саноатига қандай таъсир қилганини баҳолаш мумкин.