АҚШнинг Шимолий Каролина штатида 16 февраль куни торнадо кузатилди. Табиий офат оқибатида камида уч нафар одамнинг ҳалок бўлган, яна ўн киши турли даражадаги жароҳатлар олган, деб ёзмоқда AP Photo.
«Торнадо сешанбага ўтар кечаси, ярим тунда Гриссеттаун яқинидаги жануби-шарқий округ Bransuikда Оушн-Риж плантацияси яқинида бошланган. Пўртана оқибатида уйлар вайрон бўлган, электр тармоқлари ишдан чиқиши оқибатида минглаб одамлар электр таъминотидан узилиб қолган, ҳудуддаги дарахтлар ҳам қулаб тушган», – дейилади хабарда.
Bransuik округи фавқулодда вазиятлар бошқармаси одамларнинг ўз уйларида тузоқда қолиб кетганини хабар қилган. Бедарак йўқолганларни излаш ишлари бошлаб юборилган.
Маҳаллий ҳукумат аҳолидан қутқарув гуруҳлари кўчаларни тозалаб, қурбонларни излаб топгунига қадар мазкур ҳудудни айланиб ўтишни сўраган.
2020 йил март ойида АҚШнинг Теннесси штатига ёпирилган торнадо оқибатида 25 киши, апрель ойида мамлакат жанубидаги торнадо оқибатида 30 киши ҳалок бўлган, шунингдек АҚШда июль ойида ҳам кучли торнадолар юз берган.
Изоҳ (0)