Грециянинг Аттика провинциясида қор ёғиши сабабли коронавирусга қарши эмлаш тўхтатилди, дея хабар бермоқда «Интерфакс».
Минтақада қор ёғиши сабабли транспорт, шу жумладан, жамоат транспорти ҳаракати қисман қисқартирилди, авиарейслар тўхтатилди ва автомобиль йўлларида оғир юк машиналарининг юриши чекланди. Электр узилишлари сабабли баъзи уйлар электрсиз қолди.
Маълум қилинишича, 16 февраль куни эмлаш режалаштирилган барча провинция аҳолиси вакцинация кейинга қолдирилиши тўғрисида хабардор қилинган. Одамларга заруратсиз ташқарига чиқмаслик маслаҳат берилган. Бундан ташқари, Афина ва Грециянинг бир қатор бошқа ҳудудларида коронавирус туфайли локдаун ва комендантлик соати амал қилмоқда.
#Athens. #Greece. A beautiful day! #Acropolis pic.twitter.com/yl9Qmiq5Wr
— Aris Messinis (@ArisMessinis) February 16, 2021
Қайд этилишича, бундай об-ҳаво одамларнинг ҳаммасига ҳам ёмон таъсир қилмаган. Баъзи болалар мактабга бориш ўрнига қорда сайр қилиб, ўйнаяпти. Катталар эса яқин атрофдаги тепаликларда чанғи учмоқда.
Норвегиянинг Грециядаги элчиси Фроде Андерсен дўстига Афинада ҳақиқатан ҳам қор ёғганини исботлаш учун Twitter’га видео жойлаштирди. У локдаун жорий қилингандан бери ушбу кун энг яхшиси бўлганлигини айтди.
Challenge accepted! Skiing ⛷ down Filothei hill #AthensSnowCapitol #NorwegianFun 🇳🇴🇬🇷 pic.twitter.com/HHiunx7DwJ
— Lajla Brandt Jakhelln (@norwayingreece) February 16, 2021
Грецияда қиш фаслида тоғларда ва мамлакат шимолида тез-тез қор ёғади, аммо Афина учун бу камдан-кам учрайдиган ҳодиса.
Бундан аввал Грецияда 85 ёшли эркак COVID-19’га қарши эмланганидан кейин 8 дақиқа ўтиб вафот этгани, Ўзбекистонда коронавирусга қарши эмлаш март ойининг биринчи ярмида бошланиши ҳамда қандай об-ҳаво коронавирус тарқалишига йўл қўймаслиги маълум қилингани ҳақида хабар берилганди.
Изоҳ (0)