AQShning Shimoliy Karolina shtatida 16-fevral kuni tornado kuzatildi. Tabiiy ofat oqibatida kamida uch nafar odamning halok bo‘lgan, yana o‘n kishi turli darajadagi jarohatlar olgan, deb yozmoqda AP.
“Tornado seshanbaga o‘tar kechasi, yarim tunda Grissettaun yaqinidagi janubi-sharqiy okrug Bransuikda Oushn-Rij plantatsiyasi yaqinida boshlangan. Po‘rtana oqibatida uylar vayron bo‘lgan, elektr tarmoqlari ishdan chiqishi oqibatida minglab odamlar elektr ta’minotidan uzilib qolgan, hududdagi daraxtlar ham qulab tushgan”, – deyiladi xabarda.
Bransuik okrugi favqulodda vaziyatlar boshqarmasi odamlarning o‘z uylarida tuzoqda qolib ketganini xabar qilgan. Bedarak yo‘qolganlarni izlash ishlari boshlab yuborilgan.
Mahalliy hukumat aholidan qutqaruv guruhlari ko‘chalarni tozalab, qurbonlarni izlab topguniga qadar mazkur hududni aylanib o‘tishni so‘ragan.
2020-yil mart oyida AQShning Tennessi shtatiga yopirilgan tornado oqibatida 25 kishi, aprel oyida mamlakat janubidagi tornado oqibatida 30 kishi halok bo‘lgan, shuningdek AQShda iyul oyida ham kuchli tornadolar yuz bergan.
Izoh (0)