АҚШда бешта аэропорт қор бўронлари ва совуқ об-ҳаво туфайли ёпилди

АҚШнинг бешта аэропорти совуқ об-ҳаво ва қор бўронлари фонида ўз фаолиятини тўхтатди, деб хабар беради Simple Flying.

Техас, Луизиана ва Миссисипи штатларидаги кескин совуқ ва об-ҳавонинг ёмонлашиши туфайли иккита халқаро ва учта минтақавий аэропорт ёпилди ва фаолиятини тўхтатди. Худди шу сабабга кўра мамлакатда 3,7 мингдан ортиқ рейс бекор қилинди.

Жорж Буш номидаги минтақалараро аэропортнинг Twitter’даги саҳифасида аэродром Тошкент вақти билан соат 02:00 га қадар ёпиқ бўлиши ҳақида эълон қилинди. Шунингдек, йўловчилардан аэропортга келмаслик сўралган.

UPDATE: The airfield will remain closed until at least 1pm Tuesday 2/16. Passengers are asked to refrain from coming to the airport. https://t.co/kj0BE0slYa

— Bush Airport (@iah) February 15, 2021

Далласдаги Форт-Уэрт халқаро аэропорти ҳам совуқ ҳарорат сабаб парвозларни бекор қилди. Skylink енгил темир йўл тизими ҳам ўз фаолиятини вақтинча тўхтатди.

🚝 Due to the low temperatures, both Skylink Loops are on hold indefinitely. Passengers may utilize Terminal Link buses from the curbside or walk between Terminals A and C, Terminals B and D.
We apologize for any inconvenience. pic.twitter.com/fPAPEmUOka

— DFW Airport (@DFWAirport) February 15, 2021

Совуқ ҳаво мамлакатдаги тўрт миллиондан зиёд одамни, шу жумладан, Техас штатида 3,6 миллиондан зиёд одамни электр энергиясисиз қолдирди. Далласда термометр цельсий бўйича минус 15, Оклахома шаҳрида минус 21, Канзас шаҳрида минус 35 даражани кўрсатмоқда. Маҳаллий ОАВнинг хабар беришича, мазкур ҳаво ҳарорати ушбу шаҳарларда 1989 йилдан бери кузатилмаган эди.

Бундан аввал Техасда кузатилган рекорд даражадаги совуқ об-ҳаво WTI маркасидаги нефтнинг нархига таъсир қилгани, Техасда миллиондан ортиқ аҳоли совуқ ҳаво ва бўрон сабабли чироқсиз қолгани ҳамда Истанбулда кучли қор ёғиши туфайли барча ўқув муассасалари ёпилгани ҳақида хабар берилганди.