ПСЖ ҳужумчиси Килиан Мбаппе Чемпионлар Лигаси 1/8 финал илк баҳси доирасида «Барселона»га қарши ўйиндаги (4:1) йирик ғалабадан кейин ўз фикрлари билан ўртоқлашди. Учрашувда франциялик футболчи ҳет-трик муаллифига айланди.
Келажагим? ПСЖ либосини қадрлайман ва уни қалбимда сақлайман. Келажагим билан нима бўлади? Битта ўйин натижасига кўра келажагимни белгилаш тентаклик бўлади. Бу ҳақда узоқ ўйлаш керак. Мен ҳар доим бу ерда бахтли эканимни айтганман, бундай ўйинлар эса мени янада қувонтиради.Биз бу ерга ғалаба қозониш учун келдик. Буни уддаладик, жуда яхши уддаладик. Бу ақл бовар қилмас ўйин бўлди. Бироқ биз ҳали ҳеч нарсага эришганимиз йўқ.
Танқид? Танқидларни ўзингизга олманг, тарихдаги буюклар ҳам танқидга учраган. Бу муаммо эмас. Танқидчиларни овозини ўчириш учун эмас, жамоа ва роҳатланиш учун ўйнанг.
Килиан Мбаппе, ПСЖ ҳужумчиси
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)