Samsung компанияси ўзининг янги Galaxy 62 смартфонига оид янги постерни эълон қилди. Ундан кўриш мумкинки, қурилма улкан аккумулятор батареясига эга бўлади, деб ёзади IXBT.
Маълум қилинишича, Samsung Galaxy F62 сиғими 7000 мА/соатга тенг аккумуляторга эга бўлади. Шу билан бирга, Жанубий Кореянинг технологик гиганти қурилманинг тезкор қувватланиш имкониятини ҳозирча тасдиқлагани йўқ.
Янги қурилманинг тақдимоти тез кунларда бўлиб ўтади. Аввалроқ ўрта синфга кирувчи ушбу смартфон флагманлар даражасидаги бир кристалли тизим билан жиҳозлангани маълум бўлганди. Тахминларга кўра, гап Exynos 9825 мобил платформаси ҳақида кетмоқда.
Миш-мишларга кўра, Galaxy F62 FHD+ сифатни қўллаб-қувватловчи 6,7 дюймли AMOLED дисплей, шунингдек, ён томонида бармоқ изи сканерига эга бўлади. Galaxy F62’нинг тезкор хотираси 8 гигабайтни, ички хотираси эса 128 гигабайтни ташкил этади. Қутидан олиниши билан смартфон Android 11 операцион тизимида бошқарилади. Селфи учун 32 мегапикселли камера ўрнатилган, асосий квадрокамера эса 64 мегапикселни ташкил этади.
Ҳамёнбоп қурилма 340 доллар қийматида сотувга чиқиши кутилмоқда.
Мавзуга доир: Samsung Galaxy S21 бир ҳафтадан ортиқ сув остида ётди. Смартфон қанчалик ўзгаришга учради?
Изоҳ (0)