Қарсилдоқ ва тўйимли: Қозоқча бўғирсоқ пиширамиз

Мазали бўғирсоқларни дастурхонга тортиш учун бор-йўғи 30 дақиқа кифоя.

Керакли маҳсулотлар:

• ун − 400 грамм;
• сариёғ − 50 грамм;
• сув − 150+100 грамм;
• ачитқи − 1 чой қошиқ;
• шакар  − 1 чой қошиқ;
• туз − 0,5 чой қошиқ.

1. Аввал опара тайёрлаб олинади. 150 грамм сувга 1 чой қошиқ ачитқи ва 1,5 чой қошиқ шакар солиб аралаштирилади. Юзасида кўпик пайдо бўлгунча 5-7 дақиқага қолдирилади.
2. Сариёғ эритиб олинади. Ун, туз ва опара эритилган сариёғ билан аралаштирилиб, юмшоқ хамир қорилади.
3. Хамир кўпчиб чиқиши учун 1 соат давомида илиқ жойга қўйилади.
4. Сўнгра 0,5 миллиметр қалинликда ёйилади ва диаметрни 4,5 сантиметр бўлган доирачалар кесиб олинади. Ёки томонлари 4,4 сантиметр тўртбурчак шаклида ҳам кесиб олса бўлади.
5. Қовуриш учун ўсимлик ёғи қиздирилади. Бўғирсоқларнинг икки томони қизариб пишгунча қовурилади. Бу ҳолатда ёғ жуда яхши қизиган бўлиши керак. Акс ҳолда бўғирсоқлар ёғни шимиб олади ва мазаси кутилганидек чиқмайди.
6. Бўғирсоқлар пишгач, ёғини шимдириш учун қоғоз салфетка устига ёйиб чиқилади.
7. Қозоқча бўғирсоқларни таъбга кўра безатиб, дастурхонга тортиш мумкин.