Qarsildoq va to‘yimli: Qozoqcha bo‘g‘irsoq pishiramiz

Mazali bo‘g‘irsoqlarni dasturxonga tortish uchun bor-yo‘g‘i 30 daqiqa kifoya.

Kerakli mahsulotlar:

• un − 400 gramm;
• sariyog‘ − 50 gramm;
• suv − 150+100 gramm;
• achitqi − 1 choy qoshiq;
• shakar  − 1 choy qoshiq;
• tuz − 0,5 choy qoshiq.

1. Avval opara tayyorlab olinadi. 150 gramm suvga 1 choy qoshiq achitqi va 1,5 choy qoshiq shakar solib aralashtiriladi. Yuzasida ko‘pik paydo bo‘lguncha 5-7 daqiqaga qoldiriladi.
2. Sariyog‘ eritib olinadi. Un, tuz va opara eritilgan sariyog‘ bilan aralashtirilib, yumshoq xamir qoriladi.
3. Xamir ko‘pchib chiqishi uchun 1 soat davomida iliq joyga qo‘yiladi.
4. So‘ngra 0,5 millimetr qalinlikda yoyiladi va diametrni 4,5 santimetr bo‘lgan doirachalar kesib olinadi. Yoki tomonlari 4,4 santimetr to‘rtburchak shaklida ham kesib olsa bo‘ladi.
5. Qovurish uchun o‘simlik yog‘i qizdiriladi. Bo‘g‘irsoqlarning ikki tomoni qizarib pishguncha qovuriladi. Bu holatda yog‘ juda yaxshi qizigan bo‘lishi kerak. Aks holda bo‘g‘irsoqlar yog‘ni shimib oladi va mazasi kutilganidek chiqmaydi.
6. Bo‘g‘irsoqlar pishgach, yog‘ini shimdirish uchun qog‘oz salfetka ustiga yoyib chiqiladi.
7. Qozoqcha bo‘g‘irsoqlarni ta’bga ko‘ra bezatib, dasturxonga tortish mumkin.