Мазали ва қарсилдоқ қуш тили рецепти

Юпқагина, қарсилдоқ ва мазали қуш тили тайёрлаш учун кўп вақт кетмайди. Бу ширинлик болажонларга ёқиши аниқ.

Керакли маҳсулотлар:

• тухум — 2 та;
• ун — 200—230 гр;
• ўсимлик ёғи — 500 мл;
• шакар кукуни;
• туз.

1. Тухумга туз солиб, яхшилаб аралаштиринг. Сўнгра эланган ун солиб, юмшоқ хамир қоринг.
2. Хамирни зувала қилиб, сочиқ билан устини ёпинг ва 20—25 дақиқага илиқ жойда тиндиринг.
3. Тинган хамирни бўлакларга бўлинг. Ҳар бир бўлакни юпқа қилиб ёйиб, ромб шаклида кесиб чиқинг. Ромбнинг ўртасини вертикал қилиб кесинг.
4. Тайёр ромбларнинг икки четини ўртадаги тешикдан қайириб чиқариб олинг.
5. Қизиган оловда хамир бўлакларини тилларангга киргунча қовуриб олинг.
6. Пишган қуш тилини қоғоз салфеткаларга солинг. Ёғи шимилгандан сўнг, устига шакар кукуни сепинг.