Исмалоқ, пишлоқ ва творогдан мазали пирог тайёрлаймиз

Витаминларга бой бўлган навбатдаги пирог рецепти билан танишинг.

Керакли маҳсулотлар:

• ун − 1-2 ош қошиқ;
• қатлама хамир − 450-500 грамм;
• творог − 250 грамм;
• тухум − 3 дона;
• исмалоқ − 200 грамм;
• қаттиқ пишлоқ − 100-120 грамм;
• ёнғоқ − 1/2 чой қошиқ;
• сут − 1/2 ош қошиқ;
• туз ва зираворлар.

1. Хамир ёйилиб, иккита бўлакка ажратилади.
2. Махсус қолип ёғланиб, хамирнинг бир бўлаги жойлаштирилади.
3. Тухум, исмалоқ, пишлоқ, творог ва туз ҳамда зираворлар аралаштирилади.
4. «Начинка» хамир юзасига бир текисда жойлаштирилади.
5. Хамирнинг иккинчи қисми аралашма устидан ёпилади ва четлари бирлаштирилади. Пирог юзаси нақшли бўлиши учун пичоқ ёрдамида хамир устида бир қанча кесмалар қолдириш мумкин.
6. Хамир юзасига сут суртилади.
7. 200 даража печда 35 дақиқа давомида пиширилади.