Тошкентнинг Учтепа туманида ЙҲХБ автомобили Lacetti билан тўқнашди. Бу ҳақда ЙҲХББ матбуот хизмати хабар берди.
14 февраль куни соат 01:00 ларда навбатчилик қисмига тушган хабарга кўра, туманнинг Заргарлик—Қатортол-2 кўчалари кесишган чорраҳада 1992 йилда туғилган ҳайдовчи Тошкент шаҳар ИИББ ЙҲХБ ЙПХ ходими С.А. бошқарувидаги ЙҲХБга тегишли бўлган Lacetti ҳамда 1986 йилда туғилган ҳайдовчи О.Э. бошқарувидаги яна бир Lacetti тўқнашган.
Қайд этилишича, тўқнашув оқибатида ҳеч ким тан жароҳати олмаган.
Ҳолат юзасидан суриштирув ишлари олиб борилиб, тўқнашув сабабларига аниқлик киритилмоқда.
Аввалроқ Тошкентда бошқарувни йўқотган ЙПХ ходими хизмат Lacetti’сини дарахтга бориб ургани ҳақида хабар берилган эди.
Изоҳ (0)