Самарқанд вилоятининг Ургут туманида яшовчи фуқаро А.У. икки нафар вояга етмаган фарзандининг моддий таъминоти учун 246 миллион 750 минг сўм алимент пулини 23 минг 500 доллар кўринишида олдиндан тўлаб берди. Бу ҳақда «Дарё»га МИБнинг Ургут туман бўлими маълум қилди.
Таъкидланишича, фуқаролик ишлари бўйича Тойлоқ туманлараро суди қарори билан фуқаро А.У.дан ундирувчи Б.А.нинг икки нафар вояга етмаган фарзанди таъминоти учун учдан бир қисми миқдорида алимент ундириш белгиланган.
МИБ Ургут туман бўлими томонидан ижро иши юритилган бўлишига қарамасдан, фуқаро алимент тўловларини тўламасдан келган.
МИБ Ургут туман бўлими ходимлари томонидан тушунтириш ва профилактик тадбирлар олиб борилганидан сўнг қарздор ота фарзандлари таъминотини ўйлаб, улар вояга етгунга қадар тўланадиган алимент пулини ҳисоблатиб, 246 миллион 750 минг сўм тўлаб берди.
Изоҳ (0)