Ўзбекистонда 12 февраль куни қуруқ ва жуда илиқ об-ҳаво бўлиши кутилмоқда, фақат Хоразм вилоятида булутлилик кўпайиши ҳисобига бироз ёмғир ёғиши эҳтимоли бор, деб хабар бермоқда «Ўзгидромет». Ҳарорат иқлимий меъёрдан 8-10 даражага юқори бўлиб, 15-20 даража илиқ, жанубда эса 20-25 даража илиқ атрофида бўлади.
13 февраль куни булутли массив жануби-шарқ томонга силжиди, тоғ олди тоғли ҳудудларда баъзи жойларда ёмғир ёғиши, баланд тоғли ҳудудларда ёғингарчилик (ёмғир, қор) бўлиши мумкин. Мамлакатнинг қолган ҳудудларида ёғингарчилик кутилмайди. 14 февраль куни Ўзбекистон бўйича ёғингарчилик эҳтимоли кам.
Дам олиш кунлари ҳарорат кўтарилиши давом этади, кечалари 3-8 даража илиқ бўлиши кутилмоқда, кундуз кунлари эса ҳаво 17-20 даража илиққача, жанубда 23-25 даража илиққача исийди. Дам олиш кунларида ўртача кеча-кундузлик ҳаво ҳарорати меъёрдан 10-12 даража юқори бўлади.
Дам олиш кунлари Ўзбекистоннинг тоғли ҳудудларида қор кўчиши хавфи сақланиб туради.
Изоҳ (0)