Мода такрорланиши, бир неча йил аввал урфда бўлган кийим-кечаклар 20-30 йилдан сўнг қайта тренд бўлиши янгилик эмас. Дизайнерлар янги коллекция тақдим қилишдан аввал архивга мурожаат қилади ва ўша замонда долзарб бўлган фасонлардан илҳомланади. Шунинг сингари бундан 50 йил аввал аёл ва қизлар томонидан севиб кийилган бичимдаги юбкалар ҳам такрор етакчилик қилмоқда.
Тўғри образ танлаш учун миди узунлигидаги жинси юбкага эътибор қаратинг. Бу борада Celine ва Stella McCartney брендларининг баҳор-ёз коллекцияларидан илҳомланиш мумкин.
Замонавий кўриниш учун қимматбаҳо дўкондан харид амалга оширишнинг кераги йўқ, чунки қанчалик винтаж услубида бўлса, шунча яхши. Иложи борича бел қисми баланд бўлган, ноодатий рангдаги моделларга эътибор қаратинг.
Гардеробда базавий бўлиши мумкин бўлган бундай юбка билан исталган образ яратиш, ҳар қандай кийим билан мослаш мумкин.
Кенг свитер ва жемферлар, блузка ва топлар билан кийса бўлади. Совуқ кунда кийиниш услубингизга мос этик билан, кунлар илишни бошлаганида эса ингичка камарли ёки пошнали босоножка билан мосласангиз бўлади.
Изоҳ (0)