Хитойда ўтган кун давомида мамлакат ичида коронавирус инфекциясига чалиниш бўйича янги ҳолат аниқланмади, Шанхай ва Гуандун вилоятига чет элдан келган икки кишида касаллик қайд этилди. Бу ҳақда Хитой Халқ Республикаси Соғлиқни сақлаш давлат қўмитаси Ой тақвим бўйича йилнинг сўнгги кунида маълум қилди, деб ёзмоқда «Интерфакс».
Икки ой олдин Хитойнинг бир қатор вилоятларда касаллик авж олганидан сўнг қабул қилинган қатъий чекловлар туфайли ҳукумат инфекциянинг мамлакат ичида кенг тарқалишининг олдини олишга муваффақ бўлди.
Касалликнинг ёйилиши 2021 йилнинг 12 февралида нишонланадиган «Баҳор байрами»— Оқ тақвим бўйича Янги йил арафасига тўғри келгани кучли хавотир уйғотганди. Мазкур байрам Хитойда энг эътиборга сазовор байрамлардан бири ҳисобланади. Анъанага кўра, бутун мамлакат бўйлаб «катта» оилаларнинг барча аъзолари бир жойга тўпланади. Бу аҳолининг оммавий миграциясига ва натижада катта йиғинлар ҳосил бўлишига олиб келади.
Бундан ташқари, байрамда оммавий сайиллар ва зиёфатлар, шаҳар паркларида карнаваллар ўтказилади, бу эса ўз навбатида вирус тарқалишининг кучайишига олиб келиши мумкин.
Коронавирусга қўшимча равишда Хитой шаҳарларида ҳавонинг кескин ифлосланиши юзага келади, бу асосан байрамнинг ажралмас қисми бўлган кўплаб мушакбозлик тадбирлари билан боғлиқ, дея огоҳлантирди, ХХР Экология ва атроф-муҳит вазирлиги.
Аввалроқ Хитойнинг айрим шаҳарларида аҳолининг Янги йил байрамини уйда ўтказиши учун пул тўлаш бошлангани ҳақида хабар берилганди. Аҳолига байрамни уйда ўтказиш учун минг Хитой юани (155 доллар) таклиф қилинган.
Мавзуга доир: Хитойда коронавирус тарқалишининг янги ўчоғи аниқланди
Изоҳ (0)