ПСЖ ҳужумчиси Неймар Франция Кубоги 1/32 финали доирасида «Кан»га қарши кечган 10 февраль кунги ўйинда (1:0) жароҳат олди.
Учрашувнинг 60-дақиқасида бразилиялик футболчи чап оёғи мушакларидан жароҳат олди ва ўз ўрнини Килиан Мбаппега бўшатиб берди. Неймар бир йўла кийиниш хонасига йўл олган.
Қайд этиш жоиз, бу Неймар учун ПСЖ сафида сардорлик боғичидаги илк учрашув эди.
ПСЖ кейинги ўйинни Лига 1 доирасида 13 февраль куни «Ницца»га қарши ўтказади. Кейин эса парижликларни Чемпионлар Лигаси доирасида «Барселона»га қарши баҳс (16 февраль) кутиб турибди.
Аввалроқ ПСЖнинг яна бир етакчиси Анхель ди Мария жароҳат сабаб сафдан чиққанди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)