Футбол бўйича Испания Кубогининг ярим финали илк учрашуви доирасида «Севилья» ва «Барселона» жамоалари 10 февраль, чоршанба куни ўзаро баҳс юритди.
Беллашувнинг 25-дақиқасида урилган Жюл Кунденинг голи эвазига мезбонлар олдинга чиқиб олди. 85-дақиқага келиб «Барселона»нинг собиқ аъзоси Иван Ракитич «Севилья» ғалабасини мустаҳкамлади.
Шу тариқа илк учрашув «Севилья» фойдасига ҳал бўлди. Жамоалар ўртасидаги иккинчи учрашув 3 март куни бўлиб ўтади.
Иккинчи ярим финал баҳси «Атлетик Б» ва «Леванте» ўртасида 11 февраль, пайшанба куни ўтказилади
Испания Кубоги
Ярим финал баҳси
10 февраль, чоршанба
«Севилья» — «Барселона» 2:0
Голлар: 1:0 – 25 Кунде, 2:0 – 85 Ракитич.«Севилья»: Буну, Кунде, Эскудеро (Мунир, 69), Диего Карлос, Алейш Видаль, Жордан (Гудел, 80), Фернандо, Сусо (Оливер Торрес, 82), Ракитич, Гомес (Рекик, 69), Ан-Несири (де Йонг, 69).
«Барселона»: тер Штеген, Умтити (Тринкау, 90), Мингеса, Фирпо, Альба, де Йонг, Бускетс, Педри (Пуч, 85), Дембеле, Гризманн, Месси.
Огоҳлантиришлар: Альба (45), Жордан (64), Эскудеро (66), Алейш Видаль (84).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)