Енгил вазн тоифасида UFC чемпиони Ҳабиб Нурмагомедовнинг амакиваччалари Абубакар ва Умар Нурмагомедов 27 март куни Лас-Вегасда бўлиб ўтадиган UFC 260 мусобақасида иштирок этади.
Ҳабиб ўз жамоаси вакилларининг яқин орадаги жанг саналарини эълон қилди.
«Февраль охирида Лас-Вегасга кетаман, менимча, бутун март ойини ўша ерда ўтказаман.
6 март куни Ислом жанг қилади, 13 мартда Зубайра, 27 март куни эса Абубакар ва Умар. 2 апрелда Bellator’да Усмон жанг қилади.
Шундай экан бизда март ойи ва апрель боши жуда жиддий бўлади», — дейди Ҳабиб.
Ҳабиб амакиваччаларининг рақиблари борасида маълумот бермаган.
Эслатиб ўтамиз, Махачев 6 март куни UFC 259 мусобақасида Дрю Добер билан жанг қилади, Зубайра Тухугов эса 13 мартда Рикардо Рамосга қарши октагонга кўтарилади.
Эслатиб ўтамиз, бу Абубакар ва Умар учун UFC’даги иккинчи жанг бўлади. Абубакар 2019 йилнинг ноябрида UFC’да дебют қилган ва унда биринчи раунддаёқ Давид Завадага таслим бўлганди. Умар эса промоушендаги илк жангини 2021 йилнинг январь ойида ўтказиб, унда қозоғистонлик Сергей Морозовдан устун келди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)