Мода бир жойда турмайди, ҳамиша ўзгариб, янгиланаверади. Аввалги йилда урфда бўлган либослар янги йил ва мавсумда долзарб бўлмаслиги, ҳатто мода ихлосмандлари ҳам кийиниш борасидаги тенденцияларга амал қилишга улгуролмаслиги мумкин.
Қоматга ёпишиб турадиган чарм куртка
Бундай бичимли чарм курткалар бугунги кунда бундан бир неча йил аввалгидек долзарб эмас. Кенг ва эркин турадиган моделлар эса аксинча етакчилик қилмоқда. Шу сабаб ҳам иложи борича оверсайз услубидаги, бичими ёпишиб турмайдиган моделларга эътибор қилиш тавсия этилади.
Нейлон сумкалар
Нейлонли сумкалар ўтган мавсумда ҳар қачонгидан ҳам машҳурроқ бўлган. Аммо 2021 йилнинг баҳорида ортиқча безакларсиз, чарм ёки замшдан ишланган моделларга эътибор қаратиш тавсия қилинади.
Калта пальтолар
Ёпишиб турадиган, боз устига калта бўлган пальтолар образингизни ўзига хос қилиб кўрсатмайди. Биринчидан, арзон кўринишга эга бўласиз, иккинчидан эса, ҳаракатланиш ҳам ноқулайлик келтириб чиқаради. Бундай устки кийимни свитер ёки бошқа бир қалин кийим устидан ҳам кия олмаслигингиз аниқ. Шунинг учун эътиборни елкалари тушиб турадиган, оверсайз услубидаги моделларга қаратиш тавсия қилинади.
Сумка-рюкзак
Тўлиқ сумка ёки рюкзак бўлмаган чарм, велвет, замш моделлар аллақачон урфдан қолган ва сизни дидсиз кўринишингизга сабабчи бўлади. Мазкур мавсумда ой шаклидаги ноодатий сумка энг яхши альтернатив бўла олади.
Сеткадан тикилган юбка
Романтик услубда кийинишни истасангиз, долзарб бўлмаган сеткали юбкалардан воз кечиб, миди ёки макси узунлигидаги атлас, сатин ёки плиссировкали моделларни танланг.
Ёпишиб турадиган шим
Бугунги кунда дизайнерлар кенг бичимни афзал билгани сабаб ҳам ёпишиб турадиган шимлар иккинчи планда қолмоқда. Аммо уларни ташлаб юборишга шошилманг. Бундай шимларни кенг пиджак ва ҳажмли ботинкалар билан мослаб, ўзига хос кўринишга эга бўлиш мумкин.
Бел қисми баланд ва белбоғли моделлар
Шим, юбка ва шортиларнинг бундай модели ўтган мавсумда машҳурликка ҳам, жонга тегишга ҳам улгурди. Қолаверса, бундай бичим ҳаммага ҳам ярашавермайди, қорин қисмини янада ҳажмли кўрсатади. Бел қисми классик бичимли ортиқча безак ва элементларсиз кийимлар эса асло урфдан қолмайди.
Беби-долл услубидаги либос
Ҳамманинг гардеробида учратиш мумкин бўлган бундай либослардан воз кечиб, оддий ва узунроқ моделларга эътибор қаратинг ва образни турли аксессуарлар билан бойитинг.
Изоҳ (0)