Туникаларни совуқ мавсумда нима билан кийиш борасида мутахассисдан тавсиялар (фото)

Бир нечта рус кийим-кечак брендининг бадиий раҳбари Катерина Волконская туникани гардеробдаги қандай кийимлар билан мослаштириш кераклиги ҳақида ўз тавсияларини бериб ўтди.

Ушбу мақола аёллар гардеробидан жой олган туникаларга бағишланади. Умуман олганда, туника – узайтирилган кофтага бўлиб, у бош қисмдан кийилади ва олд томони очилмайди. Аммо ушбу концепция кейинчалик аёлларнинг истак-хоҳишларига кўра мослаштирилди ва унинг ҳозирда турли матолардан тикилгани ҳамда турфа хил дизайндагиларини учратиш мумкин.

Туника харид қилишни барча аёлларга тавсия этаман, чунки у учта энг муҳим нарсани ҳал қила олади:

• оддий бўлмаган ва шахсий услубни яратади.
• ундан коп кўринишни ҳосил қилиш мумкин.
• аксарият ҳолларда ортиқча килограммларни яшириш хусусиятига эга ва аёллик қиёфасини осонгина намоён этади.

Кундалик ҳаёт тарзи учун янги шаклдаги услубдан фойдаланиш доим ҳам муваффақиятли кечмайди. Аммо узун туникаларни калта пиджаклар билан тўлдириш жуда яхши кўринишни ҳосил қилади.

Урфга кирган катта ўлчамдаги жемперни аслида нима билан кийишни ҳам билиш керак. Айниқса, ишга ёки бошқа учрашувга кечикканда нима кийиш ва қандай комбинация яратиш ҳеч кимнинг хаёлига келмайди. Ушбу услуб эса барча муаммоларни бир вақтнинг ўзида ҳал этади.

Шунингдек, тугмали туникаларни охиригача қадамасдан устидан бирор енгил костюм ҳам кийиш мумкин. Лекин устки кийим туникадан калтароқ бўлишига аҳамият бериш керак. Пастки қисмга юбка ёки шимни танлаш мумкин.

Тепа қисмига тўрлар билан безак берилган туникалар ёрдамида ҳар томонлама мураккаб кўринишни ҳосил қилиши мумкин. Спорт кийимлари билан бу каби бежирим туникаларни бирлаштириш ҳам ажойиб янгилик яратади.

Қора ва оқ кўринишдаги либослар барчага ёқиши табиий. Айниқса, ўқувчилар ушбу рангга кўпроқ мурожаат қилади. Спорт услубини ёдга солувчи ушбу кўринишдаги туникалар қалам юбка ва крассовка билан бирлаштириш мумкин.

Кенг, ҳарир ва шаффоф кўринишдаги туникалар ҳам ажойиб танлов ҳисобланади. Кўйлаксимон туникалар жинси шим ва ёрқин рангли костюмлар билан бирлаштирилиши мумкин. Шунингдек, баланд пошнали оёқ кийимлар ҳам кўринишни янада бойитади.

Кўпинча ишдаги аёлларга ижодкорлик учун вақт етмайди. Шунинг учун улар одатда бир хил ҳамда бор либосларни кийиб юришга одатланган. Улар услуб борасида фақатгина тушлик вақтида фикр алмашиши мумкин. Шунинг учун ҳам туникалар борасидаги тавсиялар ташқи кўринишни яхшилашда ажойиб тажриба бўла олади.