Louis Vuitton бренди эркакларга мўлжалланган куз-қишки коллекцияни тақдим қилгандан кейин баҳорги тайёргарлик ишларини бошлаб юборди. Бренд ранг-баранг сумкалар, ниқоб, кепка ва ёрқин рангли тақинчоқларни намойиш қилди.
Коллекциядан елкага тақиш мумкин бўлган, классик услубдаги Keepall Bandouliere, шунингдек, кундалик тақишга мўлжалланган Trunk Messenger сумкалари ўрин олган.
Бундан ташқари, аксессуарлар орасида ҳажми катта тақинчоқ ва браслетларни, кепка ва юзга тақиш учун мўлжалланган ниқобларни учратиш мумкин.
Мазкур дизайн асосида ишланган айиқ ушбу коллекцияни якунлайди. Барча аксессуарлар яқин ҳафталарда бренднинг расмий саҳифасида тақдим қилинади.
Аввалроқ бренднинг 10,4 минг доллардан варрак сотувга чиқаргани ҳақида хабар берилганди.
Изоҳ (0)