Туркияда йиғин ўтказаётган «Локомотив»нинг «Ротор»га қарши ўйини бекор қилинди. Тошкент клубига рақиб жамоа таклиф қилган шароит ёқмаган

Туркияда йиғин ўтказаётган Тошкентнинг «Локомотив» ва Россиянинг «Ротор» клублари ўртасида бўлиб ўтиши режалаштирилган назорат учрашуви бекор қилинди.

Волгоградликлар клуби учрашув «Локомотив»нинг хоҳишига кўра бекор қилинганини маълум қилди: «Серқуёш Ўзбекистондан бўлган рақибларимизни кийиниш хонаси ва майдоннинг ҳолати қониқтирмади. Қўшни шаҳардан келиш учун автобусда босиб ўтилган 70 километрлик йўл «Локомотив» мураббийлар штабини иккилантирмади ҳам».

Бунга тошкентликлар матбуот хизмати қуйидагича жавоб қайтарди: «Кийиниш хонаси — 1 метрга 1 метр. Ўйин — бекор қилинди. «Ротор» — Волгоград. Меҳмонларга нисбатан ажойиб муносабат».

Раздевалка = Метр на метр
Игра = Отменена
Ротор = Волгоград

Отличное отношение к гостям😉 https://t.co/UV62srKy8O pic.twitter.com/NoS1tATFh9

— PFC Lokomotiv🚂💨 (@LokomotivUzb) February 10, 2021

«Локомотив» ва «Ротор» ўртасидаги назорат учрашуви 10 февраль куни маҳаллий вақт билан 11:00 да (Тошкент вақти билан 13:00) Туркиянинг Белек шаҳрида ўтиши режалаштирилган. Маълум бўлишича, «Локомотив» аввалига россияликларни ўзи йиғин ўтказаётган шаҳарга таклиф қилган, бироқ «Ротор» бунга рад жавобини бериб, учрашувни ўз қароргоҳига яқин жойда ўтказишни хоҳлаган.