2021 йил 9 февраль куни нафақат Ўзбекистон, балки Марказий Осиёдаги йирик ва замонавий заргарлик буюмлари ишлаб чиқариладиган Fonon заводида, «Асакабанк» АЖ томонидан оммавий ахборот воситалари вакиллари учун пресс-тур ташкил этилди. Пресс-турда заводнинг фаолияти билан яқиндан танишилди.
Gold Moon Tashkent МЧЖ томонидан яратилган Fonon бренди ўз фаолиятини 2020 йилда бошлаган ва «Асакабанк»нинг йирик молиявий лойиҳаси ҳисобланади. Ушбу бренд остида ноёб заргарлик санъат асарлари етакчи итальян технологиялари асосида ишлаб чиқарилади.
Лойиҳанинг умумий қиймати 28 миллион еврони ташкил этади, шундан «Асакабанк»нинг кредит маблағлари 19 миллион евро, 9 миллион евро эса корхонанинг ўз маблағлари эвазига ташкил этилган.
Корхонада ўрнатилган ускуналар асосан Италия, Германия ва Туркиядан келтирилган. Айни пайтда 260 дан ортиқ янги иш ўринлари яратилди, лойиҳанинг тўлиқ қувват билан ишга тушиши натижасида иш ўринлари сони 400 нафарга етказилади.
Пресс-тур давомида журналистлар қимматбаҳо металлардан заргарлик буюмларини ишлаб чиқаришнинг барча асосий босқичларида бевосита иштирок этиш, шунингдек, заргарлик буюмлари бўйича етакчи мутахассисларга саволлар бериш имкониятига эга бўлдилар.
Иштирокчилар олтин қуймаларни қайта ишлаш босқичлари ва тайёр маҳсулот яратилиш жараёнлари, олтин сифатини назорат қилиш усуллари, хусусан, заргарлик буюмларининг таркибий қисмларини аниқлашга имкон берадиган экспресс усул билан ҳам танишиш имкониятига эга бўлдилар.
Заргарлик буюмларининг барчаси фақатгина Ўзбекистонда қазиб олинган олтиндан тайёрланади. Заводда 300 турдаги тайёр маҳсулотлар ва ярим тайёр маҳсулотлар ишлаб чиқарилмоқда. Корхонанинг йиллик ишлаб чиқариш қуввати 6000,0 килограмм заргарлик буюмларини ташкил этади.
Маълумот учун
Бугунги кунда Ўзбекистон олтин ишлаб чиқарувчи ва экспорт қилувчи етакчи давлатлар қаторига киради. Ўзбекистон олтин захиралари бўйича дунёда 4-ўринни, олтин қазиб олиш бўйича 7-ўринни эгаллаб турибди. Таъкидлаш жоизки, ушбу кўрсаткичлар мамлакат заргарлик саноатини янги босқичга кўтаришга ёрдам беради.
Call-centre: 1152
Sayt: asakabank.uzFacebook: fb.com/bankasakaTelegram: t.me/bank_asakaInstagram: instagram.com/asaka_bank
Реклама ҳуқуқи асосида.
Изоҳ (0)