Мьянма Россиянинг коронавирусга қарши «Спутник V» вакцинасини рўйхатдан ўтказди, деб хабар беради «РБК» вакцинанинг Twitter аккаунтига таяниб.
Таъкидланишича, Мьянма Россия вакцинасини рўйхатдан ўтказган 21-мамлакат бўлган.
Аввалроқ Беларусь, Аргентина, Боливия, Сербия, Жазоир, Фаластин, Венесуэла, Парагвай, Туркманистон, Венгрия, Бирлашган Араб Амирликлари, Эрон, Гвинея Республикаси, Тунис, Арманистон, Мексика, Никарагуа, Серб Республикаси (Босния ва Герцеговина таркибидаги) ҳамда Ливанда «Спутник V»ни қўллаш учун рухсат берилган эди.
Россияда Гамалея номидаги тадқиқот маркази томонидан ишлаб чиқилган дунёдаги биринчи коронавирусга қарши вакцина рўйхатдан ўтказилгани ҳақида Владимир Путин август ўрталарида маълум қилган эди.
Февраль бошида дунёнинг етакчи тиббиёт журналларидан бири Lancet Россия вакцинаси синовлари учинчи босқичининг оралиқ натижаларини маълум қилди, унга кўра, «Спутник V»нинг самарадорлиги 91,6 фоизга тенг.
Эслатиб ўтамиз, Мьянмада ҳокимият ҳарбийлар томонидан эгаллаб олинди, улар бир йил муддатга фавқулодда ҳолат жорий қилди. Мамлакат президенти ва ҳукумат раҳбари ҳамда яна кўплаб мансабдорлар қамоққа олинди. Бу воқеа ҳукумат ва ҳарбийлар ўртасидаги азалий зиддият кучайиши оқибатида содир бўлди. Ҳарбийларнинг таъкидлашича, 8 ноябрь куни мамлакатда ўтказилган сайловларда қонунбузарликлар бўлган.
Мавзуга доир:
- Путин коронавирусга қарши дунёда биринчи вакцина рўйхатга олинганини маълум қилди. Унинг қизларидан бири ушбу вакцина билан эмланди
- Ливан ва Серб Республикаси «Спутник V» вакцинасини рўйхатдан ўтказди
- Мексика «Спутник V» вакцинасини етказиб бериш бўйича шартнома имзолади
- Нобель мукофоти совриндори раҳбарлигидаги Мьянма ҳукумати ҳарбийлар томонидан тўнтарилди. Улар мамлакатда «гуллаб-яшнаётган интизомли демократия» тузмоқда. Армияни Хитой қўллаб-қувватлаяпти
Изоҳ (0)