Myanma Rossiyaning koronavirusga qarshi “Sputnik V” vaksinasini ro‘yxatdan o‘tkazdi, deb xabar beradi “RBK” vaksinaning Twitter akkauntiga tayanib.
Ta’kidlanishicha, Myanma Rossiya vaksinasini ro‘yxatdan o‘tkazgan 21-mamlakat bo‘lgan.
Avvalroq Belarus, Argentina, Boliviya, Serbiya, Jazoir, Falastin, Venesuela, Paragvay, Turkmaniston, Vengriya, Birlashgan Arab Amirliklari, Eron, Gvineya Respublikasi, Tunis, Armaniston, Meksika, Nikaragua, Serb Respublikasi (Bosniya va Gertsegovina tarkibidagi) hamda Livanda “Sputnik V”ni qo‘llash uchun ruxsat berilgan edi.
Rossiyada Gamaleya nomidagi tadqiqot markazi tomonidan ishlab chiqilgan dunyodagi birinchi koronavirusga qarshi vaksina ro‘yxatdan o‘tkazilgani haqida Vladimir Putin avgust o‘rtalarida ma’lum qilgan edi.
Fevral boshida dunyoning yetakchi tibbiyot jurnallaridan biri Lancet Rossiya vaksinasi sinovlari uchinchi bosqichining oraliq natijalarini ma’lum qildi, unga ko‘ra, “Sputnik V”ning samaradorligi 91,6 foizga teng.
Eslatib o‘tamiz, Myanmada hokimiyat harbiylar tomonidan egallab olindi, ular bir yil muddatga favqulodda holat joriy qildi. Mamlakat prezidenti va hukumat rahbari hamda yana ko‘plab mansabdorlar qamoqqa olindi. Bu voqea hukumat va harbiylar o‘rtasidagi azaliy ziddiyat kuchayishi oqibatida sodir bo‘ldi. Harbiylarning ta’kidlashicha, 8-noyabr kuni mamlakatda o‘tkazilgan saylovlarda qonunbuzarliklar bo‘lgan.
Mavzuga doir:
- Putin koronavirusga qarshi dunyoda birinchi vaksina ro‘yxatga olinganini ma’lum qildi. Uning qizlaridan biri ushbu vaksina bilan emlandi
- Livan va Serb Respublikasi “Sputnik V” vaksinasini ro‘yxatdan o‘tkazdi
- Meksika “Sputnik V” vaksinasini yetkazib berish bo‘yicha shartnoma imzoladi
- Nobel mukofoti sovrindori rahbarligidagi Myanma hukumati harbiylar tomonidan to‘ntarildi. Ular mamlakatda “gullab-yashnayotgan intizomli demokratiya” tuzmoqda. Armiyani Xitoy qo‘llab-quvvatlayapti
Izoh (0)