Жо Байден пандемия туфайли ишини йўқотган фуқарога қўнғироқ қилиб, иқтисодиётни ривожлантириш режалари ҳақида гапириб берди

АҚШ президенти Жо Байден Калифорния штатида яшовчи ва коронавирус пандемияси туфайли ўз ишини йўқотган Мишель исмли аёл билан телефон орқали суҳбатлашди, деб ёзади «Korrespondent.net». Воқеа акс этган видео давлат раҳбарининг Twitter’даги саҳифасида эълон қилинди.

Last year, Michele lost her job because of the pandemic. I recently gave her a call to hear her story and discuss how my American Rescue Plan will help families like hers. pic.twitter.com/SAqM2GytPf

— President Biden Archived (@POTUS46Archive) February 6, 2021

Роликда айтилишича, Оқ уй раҳбари аёлга ўзининг Америка иқтисодиётини рағбатлантириш чора-тадбирлари дастури ҳақида гапириб бериб, уни тинчлантирди.

«Ғоя шундан иборатки, биз бизнесни қайта очмоқчимиз. Биз қабул қиладиган режа одамларга ўзлари муҳтож бўлган шошилинч ёрдамни тақдим этади. Бу кичик бизнеснинг очилишига ёрдам беради», — деди Байден.

Бундан ташқари, президент Мишелга ҳукуматнинг яқин 100 кун ичида 100 миллион америкаликни коронавирусга қарши эмлаш режасини эслатди.

Бунга жавобан суҳбатдош аёл ўз ота-онасини вакцина олиш учун рўйхатга ёздирганини маълум қилди.

Таъкидланишича, ушбу суҳбат муайян дастурнинг бир қисми ҳисобланиб, унинг доирасида Жо Байден мунтазам равишда АҚШ фуқаролари билан мулоқот қилишни ният қилган.

Аввалроқ АҚШ президент Жо Байден коронавирус пандемиясига қарши кураш чора-тадбирлари, шунингдек, мамлакат аҳолисини қутқариш режаси доирасида одамларга бир марталик тўловларни амалга ошириш учун 160 миллиард доллар ажратишни ваъда қилган эди.