Болливуд актрисаси Прити Зинта иштирокидаги энг яхши 7 та фильм (видео)
Маҳоратли Болливуд актрисаси Прити Зинта 1975 йил дунёга келган. Унинг истеъдоди, табассуми ва айниқса, кулгичлари тез фурсатда томошабинлар кўнглидан жой олган. Актриса турмушга чиққанидан сўнг фильмларда суратга тушмай қўйди. Аммо унинг иштирокидаги бир қанча фильмлар ҳанузгача севиб томоша қилинади.
«Бир қарашдаги муҳаббат»
«Бир қарашдаги муҳаббат» − Притининг Болливуддаги дебют фильми. Тўғри, у фильмда иккинчи даражали образда намоён бўлган. Аммо унинг фильмдаги ҳиссаси бош қаҳрамонларникидан кам эмас. Прити ушбу роли учун энг маҳоратли дебютант, деб тан олинган ҳамда мукофотлар билан тақдирланган.
«Енгилтак қиз»
Ушбу фильмда актриса ошиқлиги туфайли ҳомиладор бўлиб, жамиятда ўз ўрнини эгаллашга интилаётган ўспирин қиз ролини ижро этган. Мазкур фильм ҳам томошабинларга Притини инкор этиб бўлмас истеъдодга эга эканлигини намоён қилган.
«Бегона»
Прити бахтли турмуш ўртоғининг ҳаётида «бошқа» аёл ролини ижро этган ва бунинг учун томошабинларнинг нафратига эмас, меҳрига сазовор бўлган.
«Биз ёлғиз эмасмиз»
«Биз ёлғиз эмасмиз» фильмидаги мағрур Ниша қандай қилиб мафтункор қизга айланганди-а? Притининг Ритик Рошан ижро этган истеъдодли Рохитга кўрсатган меҳри ва қўллаб-қувватлаши барчанинг ёдида қолиши шубҳасиз.
«Ўткинчи дунё»
Прити ушбу роли учун Filmfare Award’нинг «Энг яхши актриса» мукофотига сазовор бўлган. У ўзининг ажойиб ижроси билан томошабинлар қалбида ўчмас таассурот қолдирди. Аслида болаларча самимий қалбга эга ҳамда ўз севгисини топишга интилаётган ёш қизнинг ҳикоясини, албатта, томоша қилиш керак.
«Вир ва Зара»
Ҳинд кинематографиясининг чинакам дурдонаси. Прити мазкур фильмда бош ролни ижро этган. Фильмда у Шоҳрух Хон севиб қолган покистонлик қиз Зара образида гавдаланган. Фильм барча даврларнинг энг яхши ижодий асари ҳисобланади ва кўплаб мукофотларга сазовор бўлган.
«Салам Намасте»
Саиф Али Хон ва Прити Зинти иштирокидаги яна бир ажойиб фильм. Фильм бир-бирини севиб қолган икки дўст ҳақида ҳикоя қилади. Актриса ушбу ролига ҳам ўзгача ёндашиб, мухлислар эътирофига сазовор бўлган.
Мавзуга доир:
