2 февраль куни Туркия президенти Ражаб Тоййиб Эрдўғон Бештепа конгресс-марказида йўл ҳаракати хавфсизлигига амал қилишни тарғиб этган теледастурлар қаторида «Элчининг қизи» сериали ижодкорларини ҳам тақдирлади.
«2020—2030 йилларга мўлжалланган йўл ҳаракати хавфсизлиги стратегияси ва ҳаракатлар режаси» дастури доирасида маъруза қилган Эрдўғон хавфсизликни таъминлаш ва йўл транспорти ҳодисаси қурбонлари сонини нолга тушириш муҳимлигини таъкидлаган.
Инфраструктурани ривожлантириш, йўлларни яхшилаш, қўшимча пиёдалар ва велосипедлар учун мўлжалланган йўлларни қуриш ҳақида ҳам гап борган. Президент ушбу дастурни амалга оширишга ҳисса қўшаётган барчани, хусусан, янгилик дастурлари ва телесериал ижодкорларини ҳам эътироф этган. Йўл транспорти ҳодисасидан азият чеккан фуқароларга соғлиқ тилаган Эрдўғон ҳаво қандай бўлишидан қатъи назар фаолиятида давом этаётган давлат ходимлари ва кўнгиллиларга халқи ва ўзни номидан миннатдорлик изҳор қилган.
Президент нутқидан кейин тақдирлаш маросими бўлиб ўтган. Тақдирланганлар орасида «Элчининг қизи» сериалида Элвaн ролини ижро қилган Ҳивда Зизан Алп ҳам бўлган.
Шунингдек, «Чемпион», «Ёмонлик дунёга устун бўлолмас» сериали, шунингдек, «Кел, гаплашамиз», «Айтмасам бўлмайди», «Ҳаётда нималар бўлмайди» сингари кўрсатув ижодкорлари ҳам мукофотга сазовор бўлган.
Мавзуга доир:
- «Элчининг қизи» сериалининг барча актёрлари ҳақида: шахсий ҳаёт, карьера ва қизиқарли маълумотлар (фото)
- Туба Буюкустун «Элчининг қизи» сериалидаги иштироки учун қанча гонорар олиши маълум бўлди
- Неслиҳан Атагул ортидан «Элчининг қизи»ни Гедиз — Ураз Кайгилароғлу ҳам тарк этади
- Соғлиғи ёмонлашгани туфайли «Элчининг қизи» сериалини тарк этган Неслиҳан Атагул ҳозирги аҳволи ҳақида маълумот берди
Изоҳ (0)