«Женоа»га қарши ўйин олдидан «Наполи» етакчисида коронавирус аниқланди

«Наполи» ҳимоячиси Калиду Кулибалининг коронавирусга топширган тести ижобий хулоса берди.

Неаполликлар матбуот хизматининг маълум қилишича, сенегаллик футболчида касаллик аломатларсиз ўтмоқда. У ўз уйида изоляцияга олинган.

6 февраль куни «Наполи» Элдор Шомуродовнинг «Женоа»сига қарши ўйнайди, 10 февраль куни Италия Кубоги ярим финалида «Аталанта»га қарши баҳс юритади. 13 февраль куни неаполликларни «Ювентус»га қарши ўйин кутиб турибди. Шу тариқа футболчи генуяликларга қарши учрашувни ўтказиб юборади, «Ювентус»га қарши ўйинда иштирок этиши эса сўроқ остида турибди.

Кулибали А Серия жорий мавсумида 15 та ўйинда майдонга тушди.

«Женоа» — «Наполи» учрашуви Тошкент вақти билан 6 февралдан 7 февралга ўтар кечаси 00:45 да бошланади.