Халқаро футбол тарихи ва статистикаси федерацияси (IFFHS) Осиёнинг сўнгги ўн йилликдаги энг яхши уч нафар футболчиси номини эълон қилди.
Рейтингни тузишда Осиё футбол конфедерациясига (ОФК) аъзо мамлакатлар футболчиларининг 2011—2020 йиллардаги натижалари ҳисобга олинди.
Унга кўра, «Тоттенҳэм» клуби ва Жанубий Корея терма жамоаси ҳужумчиси Сон Ҳён Мин Осиёнинг сўнгги ўн йилликдаги энг яхши ўйинчиси деб топилди.
Иккинчи ўрин ЦСКА ва «Милан» клублари собиқ футболчиси, ҳозирда «Портимоненсе»да фаолият юритаётган япониялик ярим ҳимоячи Кейсуке Hondaга насиб этди.
Кучли учликни «Ал-Ҳилол» клуби ва Саудия Арабистони терма жамоаси ҳужумкор ярим ҳимоячиси Салим ад-Досари эгаллади.
Мавзуга доир:
- Сўнгги ўн йилликнинг энг яхши тўпурар ҳимоячилари аниқланди. Рамос пешқадам, ўзбекистонлик футболчи топ-20 га кирди
- 2020 йилнинг энг яхши футбол клублари рейтинги эълон қилинди. «Пахтакор» дунё бўйича 85-ўринда, Осиёда эса тўртинчи
- 2020 йилнинг энг кучли футбол лигалари аниқланди. Ўзбекистон Суперлигаси топ-50 дан ўрин олди
Дарвозабон: Метю Райан (Австралия);
Ҳимоячилар: Муҳаммад ал-Бурайк (Саудия Арабистони), Такеҳиро Томиясу (Япония), Майа Йошида (Япония), Тератҳон Бунматҳан (Таиланд);
Ярим ҳимоячилар: Ву Лей (Хитой), Кейсуке Ҳонда (Япония), Салим ад-Досари (Саудия Арабистони);
Ҳужумчилар: Сон Ҳён Мин (Жанубий Корея), Умар ас-Сома (Сурия), Алмоиз Али (Қатар).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)